أصدقائى السلام عليكم
طبعا كل عام وأنتم بخير بمناسبة هذه الأيام المباركة وإقتراب عيد الأضحى المبارك ... لكن واضح كده إن الجو مغيم والدعم هيتلغى يعنى هيتلغى وبدل ما المواطن المطحون كان بمرتبه المتواضع يواجه مشاكل مع الجزار ويسحب على الفاتورة من البقال سيضطر إلى نسيان كل هؤلاء وتحويش المهية من أجل لقمة هنية تكفى مية
كلامى مش مفهوم .... أوضح أكتر ... الحكومة فاكرة إنها لما تقطع الدعم ...أقصد ترشد الدعم ... إن طوابير العيش هتختفى ... لكن أنا شايفة عكس كده دى هتزيد ومش زيادة بسيطة ...ببساطة رفع الدعم سيؤدى إلى إرتفاع فى الأسعار والكل يعلم هذا وعند حدوث هذا الإرتفاع لن يجد المواطن فى جيبه جنيه واحد زيادة على سعر الرغيف حتى يستطيع به شراء قطعة جبن فسوف يقتصر مرتب المواطن على شراء العيش فقط
وما أثار دهشتى أننى سمعت سيدة تقول لإبنها عاوزين نخزن شوية عيش علشان الأزمة الجاية وشوف كده عند أخوك أنبوبة فاضية علشان نملاها قبل ما أنبوبة الغاز تغلى
واضح من الكلام إن الناس مشغولة بقضية الدعم أكتر ما هى مشغولة بالخروف والضحية والكل عمال يحارب ...لدرجة إنى مش عارفة هى الناس هتعيط ولا هتعيد ...وهل هو بكاء على اللبن المسكوب قبل سكبه؟؟ وهل هنلحقه قبل ما يتسكب؟؟ ولا هالحكومة مصرة وراسها وألف سيف لتسكبه ؟؟ الوضع محير لكن بخبرتى الواسعة فى مجال معرفة نوايا الحكومة أستطيع القول أن الحكومة ستفعل ما يحلوا لها وإبقوا إخبطوا راسكوا فى الحيط ..قولتوا مش هنبيع عمر أفندى وبعناه قولتوا بلاش البنك قلنا يا نبيعه يا نبيع البلد طبعا إخترنا أقل الضررين خسائر وبعنا البنك واليوم نختار مرغمين قبول رفع الدعم أقصد ترشيد الدعم ونقبل بالملاليم التى سوف ترمى بها الحكومة إلينا كل أول شهر ونبوس إيدنا وش وظهر
وبعد كام شهر نلاقى الحكومة بتقول هنرشد الدعم النقدى وبالتالى يلغى الدعم بالتدريج ويختفى وعندها ستقول الحكومة أن ما فعلته أسوة بالدول المتقدمة وذلك لدعم مسيرة التنمية ...كيف هذا وهذه الدول المتقدمة نظام ليبرالى ونحن نظام شمولى من يعيش تحت خط الفقر عندهم لا تتعدى نسبته 7% أما نحن فنسبة الفقر عندنا تعدت 70% ولا عزاء للفقراء فى الفقيد الغالى الدعم العزيز الذى ذهب ولن يعود
طبعا كل عام وأنتم بخير بمناسبة هذه الأيام المباركة وإقتراب عيد الأضحى المبارك ... لكن واضح كده إن الجو مغيم والدعم هيتلغى يعنى هيتلغى وبدل ما المواطن المطحون كان بمرتبه المتواضع يواجه مشاكل مع الجزار ويسحب على الفاتورة من البقال سيضطر إلى نسيان كل هؤلاء وتحويش المهية من أجل لقمة هنية تكفى مية
كلامى مش مفهوم .... أوضح أكتر ... الحكومة فاكرة إنها لما تقطع الدعم ...أقصد ترشد الدعم ... إن طوابير العيش هتختفى ... لكن أنا شايفة عكس كده دى هتزيد ومش زيادة بسيطة ...ببساطة رفع الدعم سيؤدى إلى إرتفاع فى الأسعار والكل يعلم هذا وعند حدوث هذا الإرتفاع لن يجد المواطن فى جيبه جنيه واحد زيادة على سعر الرغيف حتى يستطيع به شراء قطعة جبن فسوف يقتصر مرتب المواطن على شراء العيش فقط
وما أثار دهشتى أننى سمعت سيدة تقول لإبنها عاوزين نخزن شوية عيش علشان الأزمة الجاية وشوف كده عند أخوك أنبوبة فاضية علشان نملاها قبل ما أنبوبة الغاز تغلى
واضح من الكلام إن الناس مشغولة بقضية الدعم أكتر ما هى مشغولة بالخروف والضحية والكل عمال يحارب ...لدرجة إنى مش عارفة هى الناس هتعيط ولا هتعيد ...وهل هو بكاء على اللبن المسكوب قبل سكبه؟؟ وهل هنلحقه قبل ما يتسكب؟؟ ولا هالحكومة مصرة وراسها وألف سيف لتسكبه ؟؟ الوضع محير لكن بخبرتى الواسعة فى مجال معرفة نوايا الحكومة أستطيع القول أن الحكومة ستفعل ما يحلوا لها وإبقوا إخبطوا راسكوا فى الحيط ..قولتوا مش هنبيع عمر أفندى وبعناه قولتوا بلاش البنك قلنا يا نبيعه يا نبيع البلد طبعا إخترنا أقل الضررين خسائر وبعنا البنك واليوم نختار مرغمين قبول رفع الدعم أقصد ترشيد الدعم ونقبل بالملاليم التى سوف ترمى بها الحكومة إلينا كل أول شهر ونبوس إيدنا وش وظهر
وبعد كام شهر نلاقى الحكومة بتقول هنرشد الدعم النقدى وبالتالى يلغى الدعم بالتدريج ويختفى وعندها ستقول الحكومة أن ما فعلته أسوة بالدول المتقدمة وذلك لدعم مسيرة التنمية ...كيف هذا وهذه الدول المتقدمة نظام ليبرالى ونحن نظام شمولى من يعيش تحت خط الفقر عندهم لا تتعدى نسبته 7% أما نحن فنسبة الفقر عندنا تعدت 70% ولا عزاء للفقراء فى الفقيد الغالى الدعم العزيز الذى ذهب ولن يعود
ليست هناك تعليقات:
إرسال تعليق