أصدقائى : السلام عليكم
قرأت عملا شعريا فى منتدى جريدة الأسبوع نزل تحت إسم جادو على الصفحة التالية
وهذه هى الأبيات:
نفسي ومني عيني في ماهية تكفيني
وف عشةابنى بيتك تأويني لو حتي من طين
نفسي في عيش خمران أكله وأبات شبعان
ميكونش فيه سرطان أو حاجة تأذيني
نفسي ف قميص كتان مصنوع هنا في أسوان
والسعر في الإمكان ونغير من الصيني
نفسي في وزير حساس يسكن قلوب الناس
ميقوليناش «لا مساس» وف ضهري يكويني
نفسي أشوف تلميذ فاهم ومش حفيظ
تعليمنا حالته تغيظ
يا وزيرنا رسيني
نفسي أشوف أحكام
مخصوصة للإعلام تدي الفساد إعدام
والبث يرضيني
نفسي مشوفش شباب للبانجو شد وغاب
وإن قابله بوكس آداب قال «دادي» يحميني
نفسي أشوف الدين في سلوك بنات وبنين
إسلامنا كنز ثمين فتناه لـ «ديك شيني»
ليه بس أعيش منسي أشرب مرار بؤسي
مين اللي باع شمسي ولا جاش يواسيني
ليست هناك تعليقات:
إرسال تعليق