أصدقائى السلام عليكم
مين قال إن غزة لونها أحمر من دماء الفلسطينيين ؟؟ إنتوا علطول كده شايفين الدنيا سودا ودايما متشائمين
فيها إيه لما كام واحد يموت مكلنا هنموت وبعدين التضخم السكانى يقل شوية والشقق تفضى والناس تتجوز ويخلفوا تانى وأهى الحياة ماشية .. مش كده .. تفتكروا دا تفكير الحكام العرب صحيح
دايما إحنا الشعوب بنصنع مشكلة من لا مشكلة ونطلع طوالى على قصر الحكم ونحتج ونتظاهر ونقلق منام الحكام ... بقى دا معقول إحنا دايما مزعجين ودا قدر حكامنا بقى وعليهم إنهم يتحملونا شوية ويتحملوا رزالتنا وجهلنا السياسى ويعذرونا لأننا بنفهم على قدنا
حلو الكلام
لكن اللى مش حلو إن التليفزيونات الأرضية فى كافة الدول العربية عارضة أغانى وبتفرح وتجاهر بالإنبساط فى ظل أزمات يواجهها أشقائنا فى كل مكان فى دارفور ولبنان والعراق وآخرها غزة
غريب جدا إن مشكلة الشعب الفلسطينى أصحبت محصورة فى مشكلة غزة وإسرائيل تحشد قواتها من جو وبر وأمريكا من البحر لمحاصرة مليون ونصف مواطن طبعا لابد أن نفكر فى الأبعاد المختلفة لهذا الفعل المتعجرف لدولة محتلة .. بالطبع إسرائيل لا يهمها الكام فرد دول إنما بتضغط على وتر أكبر وإن كنت ناسى أفكرك
أفكرك بعلم إسرائيل فيه خطين زرق ..الفرات والنيل .. دولة عبرية بين النهرين
أفكرك إن أمل إسرائيل فى الوصول للقاهرة مازال وذلك يثبته وجود السفارة قبل البر الغربى من النيل مما يعنى إثبات حق .. آه إحنا منحبش ناكل حق حد إحنا حدودنا لحد هنا
وأفكرك إن إسرائيل مازالت تتألم من هزيمة أكتوبر والمجد الذى صنعه جنود مصر
أفكرك بالمؤامرة الأبدية ضد الوجود الإسلامى فى العالم فنحن العدو المشترك لدى اليهود يمثلهم الصهاينه ولدى المسيحيين تمثلهم أمريكا واليمينى المتشدد بوش
وكفاية كده تفكير والموضوع مش محتاج تفسير ... وسلام آخر للحكام والعرب والقمة العربية المعلقة على حضور رئيس لبنان ... تناسوا عقد القمة والرئيس عرفات تحت الحصار وكان بإستطاعتهم وقتها تعليقها لعدم حضور الرئيس فى شكل إحتجاجى على الحصار وكأن رئيس لبنان هو اللى هيعدل المايل فى قرارات القمة العربية التى لا تنفذ مطلقا إن كانت صادقة وفى الغالب أساسا لا تكون هناك قرارات والسبب خناقات ومشاحنات ... وأقولهم إلعبوا مع بعض بس متتخانقوش
هناك تعليق واحد:
اسماء انتي فين انا عاوزة رقم تليفونك اكلمك ضروري جدا و امبارح بعت ليكي ايميل برقمي و انتي مش كلمتيني؟؟؟؟؟؟؟ عاوزاكي ضروري جداااا
إرسال تعليق