أصدقائى : السلام عليكم
تذكرون طبعا قضية الأسرى المصريين فى إسرائيل أثناء حرب 67 أو كما يقول البعض نكسة لأن الحرب بين طرفين ونحن لم نكن نحارب
وكما يحدث فى مصر كل يوم نسمع عن قضية ما ثم فى الغد ننسى واللى فات فات عادى هو مش الحرب دى عدت والناس ماتت يعنى هنعمل إيه لما نحقق فى الموضوع هيرجعوا للحياة تانى.... طبعا لا
أعتقد إننا لو كنا عايشنا الحظة دى "لحظة الآلم والعض على الشفاة"يمكن كنا إتصرفنا غير كدا
إحنا فعلا شباب إتولدنا حتى بعد نصر أكتوبر يمكن معشناش اللحظة ذاتها لكن عايشيين فى خيرها ولولاها أكيد مكانتش مصر وصلت لأى شئ كنا زمانا عايشين ومش عايشين زى الفلسطينيين تمام
حد جرب ؟ هما بيجربوا كل يوم وكل لحظة وإحنا بسبب اللى ماتوا فى 67 وفى 73 دلوقتى عايشين ومش حاسين
حتى مش ندافع عنهم لا دا خلاص فات والموضوع مات فى الإعلام وفى داخلنا كمان
من الواضح إننا بتحركنا مدخلات من الخارج سواء الإعلام أو آراء الآخرين حتى قضية الأسرى اللى قتلوا بوحشية صهيونية مش عارفين نكمل فيها للآخر . واضح جدا إننا معندناش عزيمة لو لاحظنا كويس هنلاقى إن إسرائيل وعلو صوتها وعزيمتها أخدت من ألمانيا كتير كعقاب على شئ حدث من 70 سنة ولسه بتدفع الثمن غالى ولا إيه دول اليهود أحباب الله فى الأرض أما غيرهم ينداسو بالدبابات والمدرعات ياسلام
يمكن الكلام اللى جوايا كبير لا يعبر عنه بالكلام لكن أظن كل واحد فيكم عنده نفس الإحساس لكن تنقصه العزيمة
أنا مع كل اللى بيكتب عن أشياء وأحداث بتحصل لكن مش مع اللى كل يوم بيكتب عن شئ مختلف عما كتب من قبل
لابد إن تكون عندنا قضية نسعى من أجلها حتى نحقق هدفنا بعد كده ندور على غيرها ولا هو اللى فات فات
ليست هناك تعليقات:
إرسال تعليق