أصدقائى السلام عليكم
فى البداية عاوزة أسأل سؤال
هو إحنا لإمتى هنفضل نكره بعض (إحنا العرب)والله ضحكتوا علينا إخوانا البعدة
أقصد اليهود طبعا مش برضه لما المواطن المصرى يهان فى أى دولة من الدول العربية هى إهانة للوطن العربى كله
مش عاوزة أكون زى الحكيم اللى فاكر نفسه محصلش لكن بالعقل كده أى حد مش ممكن يسمح أبدا بأى جريمة ضد الإنسانية
أنا بتكلم طبعا عن حادثة تعذيب المصريين فى الكويت بماء النار وأنا بصراحة ضد هذا العمل لأسباب كتير أولها أنا مصرية وبعتبر دول إخواتى فى الوطنية وفى الدين ومن أبى آدم
ثانيها إنى ضد أى جريمة ضد الإنسانية مثلا هتلر لما عمل محرقة اليهود -دا زى ما بيقولوا هما - أنا طبعا ضد أى محرقة يلقى فيها الناس وهم أحياء
الشعب الكويتى أخونا فى العروبة الأخوية اللى كل الوطن العربى نساها بس غيرنا لسه فاكرها وبيقولو شوفوا بيعملوا فى بعض إيه
دا مش التعذيب وبس دى وصلت حد الإهانة فى الصحف الكويتيه قال إيه الشعب المصرى ما يساويش 100 دينار كويتى أو غسالة كورية ب 300$ يا سلام ........أنا مش عاوزة أغلط لكن بصراحة الكلام دا بيخلى الواحد عاوز يرد عليه لكن هقول ربنا يسامحكوا
وبعدين واضح إنكوا غيرانين مننا علشان مصر ذكرت فى القرآن الكريم 3 مرات والرسول عليه الصلاة والسلام قال عن جنودها خير أجناد الأرض
خير أجناد الأرض دول هما اللى حرروكوا الللى لولاهم كنتوا لسه مستعمرين لحد دلوقتى ولا نسيتوا فضلنا وفاكرين بس فضل الأمريكان
على العموم إحنا لما دم جنودنا سال كان من أجل العروبة ومش مستنين منكم رد الجميل اللى رديتوه فعلا لشعب مصر بس بالعكس
على فكرة أنا زملائى فى الدراسات العليا من الكويت ولاحظت شئ غريب عليهم لما بيكلموا المصرين بيكون من طرف أنفهم بس مع بعض عادى أنا بس حبيت أضيفها كملحوظة
بس معرفش هلى الكلام دا بيسرى على كل شعب الكويت؟؟؟؟؟
يا عالم شمتوا فينا العدوين
ليست هناك تعليقات:
إرسال تعليق