عيد ميلاد سعيد

كل سنه وانت طيب يااااااااا

يااااااااااا ياااااااااااا يااااااااااا

دكتوووووووووووور محمد

كل سنه وانت طيب يا جميل

وعقبال مليووووووووووون سنه

وانت فى وسط بناتك

يارب وتفرح بيهم ياااااااااااااااااااارب

happy birth day to u

happy birth day to u

happy birth day to dr

happy birth day to u

عقبااااااااااااااااال مليوووون سنه

ودى هديه لحضرتك من حنونه



حنين

كل عام والأمة الإسلامية بخير

شهر رمضان الذى أنزل فيه القرآن هدى للناس وبينات من الهدى والفرقان....... الآية فى الجزء الثانى من سورة القرآن طبعا سورة البقرة

سبحان الله فى هذا الشهر بركة وخير وراحة نفسية وكل شئ متوفر .. ولا عجب فأولهرحمة وأوسطه مغفرة وآخره عتق من النار

مش هتكلم على العادات فى الأكل أو ماشابه وإن المفروض رمضان يعنى صيام عن كل حاجة

أنا هتكلم فى الصلاة ... وهى طبعا كل عام ننتظرها فى هذا الجو الجميل من الروحانيات

أنا شخصيا أحرص على صلاة التراوييح فى 20 ركعة ينهى فيها الإمام جزءا كاملا .. بالتالى تلك ختمة وأنا أختمه مرة ..هذه الثانية والختمة الثالثة فى التهجد بإذن الله مع الإمام برده

العجيب بقى فى الصلاة وهتكلم عن الجزء الخاص بالنساء ... وخصوصا الاتى يرتدين النقاب
ماشاء الله ربنا يفتح عليهن ويزيدهن من البركة ... وهو أمر أعتقد إنه مش فرض ولا يناسب المجتمع بالتالى مش هناقش النقاب ذاته وإنما السيدة التى ترتديه

سيدة أو بنت ولازم تكون فاكرة نفسها عالمة أو شيخة .... وقديما أنا شخصيا كنت أقع فى هذا الأمر كنت أعتقد أن من ترتديه هى العالمة ببواطن الأمور الدينية وكنت أسألها ما حكم كذا وكذا ..... وهن لا يتورعن عن الإفتاء ... ماشاء الله عينى عليهم باردة فاكرين نفسهم مشايخ

وتأمر وتنهى بإسم قال الله قال الرسول .... ربما كان عندى ضعف ثقة فى النفس لكن بعد فترة إكتشفت إن معلوماتى الدينية قد تكون أحسن من عشرة زيها وإنها لاتعرف من الدين سوى قشور

وأحيانا بعضهن لاتطبق السنه ... على سبيل المثال فى الصلاة ألاقى كل المنقبات معهم أطفال .. إزاى يعنى وإنتى عارفة إنه مينفعش لأنهم يلهوا المصلين عن الصلاة ويصدروا أصوات وأحيانا تلاقى طفل جنبك فى الصف وبيلتفت ومبيصليش أصلا ... طيب ياستى عاوزة تعلميه إقفى فى نهاية الصف وخديه جنبك لكن تسببى قطع فى الصف بهذه الطريقة ما يصير

ومعروف إن التثاؤب فى الصلاة مكروه وإن كان النبى لم يتثاءب والتثاؤب أساسا من الشيطان ... وتلاقى انهن يتثاءبن ... وأنا بقى يجيلى إحساس بالنوم وأنا واقفة جنبهم
الكلام فى المسجد ممنوع .. المفروض فى مسجد يعنى ياإما هقرأ قرآن أو هصلى أو هسمع الإمام لكن تلاقى ماشاء الله الوحيدات المتكلمات فى المسجد هن

هما شوهوا صورة النقاب ولو قولنا هذا الكلام فى أى مكان يقولك مش كلهم ... طيب إذا كنت أنا كل أما أروح مكان ألاقى سلبيات لهن وعايزنى فى النهاية أرتدى نقاب
أهو على الأقل الحجاب فريضة ومن يسئن إليه لسن كثر والحمدلله على نعمة الإسلام ... لكن النقاب ظاهرة أعتبرها سعودية إنتقلت لمجتمعنا فى الآونه الأخيرة بعد سفر آباءنا واستماع الزوجات لمشايخ السعودية ... ربنا يهدى الجميع اللهم لا إعتراض .... لكن من هن الفتيات الصغار الاتى يرتدينه لمجرد أنه موضة فتلاحظ تناقضا تاما بين ما تلبس على جسدها وما ترتديه على وجهها وربما يتناقض مع تصرفاتها وأفعالها أيضا

يارب إهدنا جميعا إلى ما تحب وترضى

الكرباج السودانى!!!!

أحبائى..
ورغم أننى من أشد الناس إيمانا بأن "الإسلام هو الحل شرع المولى عز وجل" إلا أننى بذات الوقت من أشد الناس رفضا لعقوبة الجلد تعزيرا للصحفية السودانية "لبنى" نظرا لأنها ترتدى البنطلون .، وهذا منى ليس بدافع الدفاع عن الحريات الشخصية بقدر ما هو دفاع عن الشريعة الإسلامية ذاتها التى شرعها الله عز وجل لإصلاح البشر (ألا يعلم من خلق وهو اللطيف الخبير) وحدّ فيها الحدود وشرع القوض والقصاص وأوكل الناس إلى ذلك فلا يغير ما بهم من حال حتى يغيروا ما بأنفسهم ويستقيموا على طريق الله المستقيم!!!
كما أننى لازلت عند قولى واعتقادى الجازم بما لايدع مجالا للشك أن كل الحكومات وأولها حكومة السودان والحركات الإسلامية فى كل البلدان وعلى رأسها "طالبان"و"القاعدة" والجماعات وأولها "الإخوان المسلمين" و "السلفية الوهابية أو الجهادية" التى دعت وتدعو وتعمل على تطبيق الشريعة الإسلامية لازالت بعيدة كل البعد عن الإيمان الكامل والمرجو والمأمول الضامن لتطبيقها دون شك أو ريبة أو حتى انتقاد وانتقاص.، لأنها أى تلك الحكومات والحركات والجماعات فى غالب الظن لم تلجأ لتطبيق الشريعة إلا من باب" الإفلاس" ومحاولة التغطية على الفساد والإستبداد المتمثل فى جوانب عديدة للنقص فى الحريات والعدالة والمساواة فى كل جوانب الحياة بداية من أعلى السلطة حتى أصغر مسؤل فيها .، ناهينا عن أنها لم تتمثل نهج المصطفى صلى الله عليه وسلم ولم تلتزم بالشرع الحنيف الذى يدعوا إلى ليبرالية التقوى (يا أيها الناس إنا خلقناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتقاكم) حتى ولولم يكن فردا من هذه الجماعات والحركات ومسؤل فى هذه الحكومات ملتزما بما فرضه الله وأوجبه باطنا وظاهرا بالزى واللباس الشرعى وقبله لباس التقوى (ولباس التقوى ذلك خير).، والتقوى محلها القلب متمثلة فى الخوف من الجليل والعمل بالتنزيل والإستعداد ليوم الرحيل فيكون ما فى النفس ظاهرا على خارج الجسد .، إضافة لأن الشرع لم يحد الحدود ولم يشرع القوض والقصاص إلا بعد إرساء مبادىء العقيدة وتغلغل الإيمان فى نفوس المسلمين واستقامة الدولة والأمة على طريق الله المستقيم .، فلم يكن هناك أى نوع لظلم كان أو شعور بكبت وقهر نظرا للفساد والإهمال والعجز النابع من قوى الإستبداد فى الأنظمة والحكومات وتنظيمات الحركات والجماعات حيث ينصبون أنفسهم قيمين على الناس وينسبون لأنفسهم امتلاك الحق والصواب كاملا دون أن يراعوا أن الفهم من الله فى قسمه للعقول والقلوب بيد الرحمن يقلبها حيث شاء .، ورب معصية أورثت ذلا وانكسارا خير من طاعة أورثت استعلاءا واستكبارا.، وأن كل بنى آدم خطاء وخير الخطائين التوابون .، ومتناسين أو جاهلين أن" الدين النصيحة" وليس" الدين الحدود" التى تدرأ بالشبهات ولا تبطق إلا فى أضيق الحدود بشروط وقرائن وبراهين يستحيل جمعها اللهم إلا إذا زكت النفس وأرادت التطهر من الذنب فأقرت واعترفت كما المرأة الغامدية وماعز أو حتى فجرت وجاهرت فكشفت ما ستره الله عليها كحال الفاسقين اليوم .، فيعمدون إلى ترسيخ مبدأ "إن الله يزع بالسلطان مالا يزع بالقرآن لأن من أمن العقاب أساء الأدب" وهذا حق لانجادل فيه ولا نناقشه ولكن ذلك إنما يكون عندما يكون السلطان بحق مؤمن بالله حق الإيمان وقاف عند كلامه لايقدم بين يدى الله ولا رسوله صالح سلطانه وصولجانه وكرسيه ويكون قدوة للناس فى عمله قبل قوله وحاله قبل سلطانه وفى محيط أسرته قبل شعبه .، وأن يكون فى خدمة الناس ومصالحهم بحق ما تكون الخدمة"فخادم الناس سيدهم " كما قال سيد الخلق صلى الله عليه وسلم ولنا فيه وصحابته الكرام الأسوة الحسنة ولله در القائل:-
صلاح أمرك للأخلاق مرجعه
فقوم النفس بالأخلاق تستقم
والنفس من خيرها فى خير عافية
والنفس من شرها فى مرتع وخم!!
وليس صلاح الأمر للمقرعة أو الكرباج السودانى!!!

وإجمالا للقول
أريد من يمهر ويوقع على مراسيم
الحدود
يكون مثل عمر بن الخطاب أو عمر بن عبد العزيز
وليس واحدا من حكامنا اليوم وآخرهم
عمر بن البشير!!!

كـــــلام مــــســـطـــووووووووووووول

القصيدة دى كانت من وحى أبيات كتبها الدكتور محمد فى البوست اللى فات فى تعليق على كلماتى

عموما أتمنى إنها تعجب كل زباين القهوة اللطاف الظراف

إليكم عاااااااااااااااااااااااااااااااااااااالـــــم المســــااااااااااااااااااااااااااطــــيل

أيها الشعب المسطول
اللى قاعد مدلدل الرجول
وعمال يتكلم ويقول
ويجيب فى سيرة كل مسؤل
إش فهمك إنت وهو يامخلول
فى مسئولية المسؤل
كلامى كلام معقول
اعقل وافهم اللى بقول
كل المشاكل عندى ليها حلول
الكهربا والمية وحتى أم الخلول
والضرايب وكل شئ محلول
هسكنك فى سابع دور
وفلل وقصور
وأكلك عيش وفـــووول
ولحمة ورز ودقيق منخول
ملكش حاجة عندى أظن كده
ولا لسه فى ناس مش متأكده؟؟؟؟
لو سمحت يا مسطول
بص لنا هنا وقول
المثل بيقول من فات قديمه تاه
قطر الصعيد بلاه
والعبارة كمان معاه
والشباب فى البحر راحو فى المياه
بعتوا البلد حته حته
ولا قولنالكوا لاه
قولى بقى إيه رأيك فى العيش
وكبرات الحشيش.... كبرات مفردها كبير بس بالعامية طبعا
مهو اللى يعمل كده يعيش
والتموين راح فين
ولا الجاز وبنزين تمانين
والناس الهربانين
صحيح رزق الهبل على المجانين
بقينا كلنا جعانين
إيه رأيك فى الثانوية
والشباب الجامعية
العالم الهايفة الفاضية داهيه
تعليم ايه ونيلة إيه
مش كانوا أحسن دخلوا مهنية
ولا البنية التحتية
الطرق والكبارى
تعالى شوف المجارى
أنا مش غاوى شغل حوارى
أنا راجل فلاح أرارى
نفسى فى انتخابات وآخد قرارى بدماغى
إيه رأيك فى الدويقة
وياترى سمعت عن الحريقة
دا اكيد ماس
ناس معندهاش إحساس
بتركب قطر ماينداس
هما الغلطانين من الأساس
إيه رأيك ياسيد الناس ؟؟؟؟؟
لا بقى مش معقول
وأنا مالى أنا مش مسؤل
أنا قلت فى بداية القول
ووضحت كل الأمور
واللى هيتنفس عليك بيه ياسيادة المأمور
واللى اتكلم ده هاتوا راسه تحت الساطور

اللهم بلغنا رمضان!!!!!!!!!!!!!!!!

أحبائى ...

فى كل عام ومع إقتراب شهر رمضان الكريم والإستعداد لرؤية هلاله حتى نعمل قول الله تعالى ( يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ (183)أَيَّامًا مَعْدُودَاتٍ ۚ فَمَنْ كَانَ مِنْكُمْ مَرِيضًا أَوْ عَلَىٰ سَفَرٍ فَعِدَّةٌ مِنْ أَيَّامٍ أُخَرَ ۚ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَنْ تَطَوَّعَ خَيْرًا فَهُوَ خَيْرٌ لَهُ ۚ وَأَنْ تَصُومُوا خَيْرٌ لَكُمْ ۖ إِنْ كُنْتُمْ تَعْلَمُونَ (184)شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَىٰ وَالْفُرْقَانِ ۚ فَمَنْ شَهِدَ مِنْكُمُ الشَّهْرَ فَلْيَصُمْهُ ۖ وَمَنْ كَانَ مَرِيضًا أَوْ عَلَىٰ سَفَرٍ فَعِدَّةٌ مِنْ أَيَّامٍ أُخَرَ ۗ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ (185) )سورة البقرة.....

يبدأ الكلام عن الإستعداد لصوم الشهر الفضيل والتسابق لعمل الخيرات فيه وآداء الفروض والسنن حيث أن الفريضة فيه بسبعين فريضة فيما سواه والسنة بفرض والإكثرا من النوفل والتطوع فيه محبة فى زيادة الأجر والثواب وفى ظاهرة تبدوا طيبة ومباركة يتسابق الدعاة لعمل دراسة جدوى وحساب العبادات ورصيد الأجر والثواب فى إبتداع وسنة حسنة لحث الناس على الإكثار من كل سبل وطرق الخير فى هذا الشهر عملا بقول الرسول صلى الله عليه وسلم <يا باغى الخير أبشر ويا باغى االشر أقصر>....وبحسبة بسيطة بهذه الطريقة ...!!!

إذا كان الله فضل شهر رمضان على كل الشهور وعددها إثنى عشر شهرا وفضل ليلة فيه وهى ليلة القدر( إِنَّا أَنْزَلْنَاهُ فِي لَيْلَةِ الْقَدْرِ (1)وَمَا أَدْرَاكَ مَا لَيْلَةُ الْقَدْرِ (2)لَيْلَةُ الْقَدْرِ خَيْرٌ مِنْ أَلْفِ شَهْرٍ (3)تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ (4)سَلَامٌ هِيَ حَتَّىٰ مَطْلَعِ الْفَجْرِ (5) ) سورة القدر.وجعل قيامها بعبادة ألف شهر !!!وبفرض إنسان بالغ عاقل كبير فى السن تعدى الخمسين عاما وصام منها خمسون شهرا يكون فضل هذه الشهور الخمسين مع فضل الليالى الخمسين يعادل عبادة وصوم أربعة آلاف عام تقريبا والله يضاعف لمن يشاء والله واسع عليم!!!!

ومع أن مثل هذه المعاملة مع الله لاتليق بالدرجة العالية والمنزلة الرفيعة التى أرادها الله لعباده المخلصن اللذين قال عنهم فى عقب آيات الصيام ( وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ ۚ هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ ۗ عَلِمَ اللَّهُ أَنَّكُمْ كُنْتُمْ تَخْتَانُونَ أَنْفُسَكُمْ فَتَابَ عَلَيْكُمْ وَعَفَا عَنْكُمْ ۖ فَالْآنَ بَاشِرُوهُنَّ وَابْتَغُوا مَا كَتَبَ اللَّهُ لَكُمْ ۚ وَكُلُوا وَاشْرَبُوا حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ۖ ثُمَّ أَتِمُّوا الصِّيَامَ إِلَى اللَّيْلِ ۚ وَلَا تُبَاشِرُوهُنَّ وَأَنْتُمْ عَاكِفُونَ فِي الْمَسَاجِدِ ۗ تِلْكَ حُدُودُ اللَّهِ فَلَا تَقْرَبُوهَا ۗ كَذَٰلِكَ يُبَيِّنُ اللَّهُ آيَاتِهِ لِلنَّاسِ لَعَلَّهُمْ يَتَّقُونَ (187)) سورة البقرة.وهى العبودية لله رب العالمين وليس التجارية أو النديةوالشراكة و هات وخد إلا أن الله الخالق ارتضاها وجعل لها منزلة فى رضاه وجنّته ..وجعل الإخلاص سر بينه وبين العباد ووهب كل عمل ابن آدم له إلا الصوم جعله لنفسه تكريما وتشريفا وخصوصية فقال فى حديث قدسى(كل عمل بن آدم له إلا الصوم فهو لى وأنا أجزى به ) وهو المجازى على كل الأعمال ولكنها خصوصية صيام رمضان!!!

فهلا تنافسنا وتبارينا وتاجرنا مع الله فى هذا الشهر الكريم!!!!!

وتبقى كلمة وهى عن حدود الله التى أقرها فى الآيات عن شروط الصوم وكيفيته وزمانه ومواقيته التى يتفلسف فيها بعض الرويبضات اليوم من أمثال جمال البنا ومن يؤيدونه إذ أحل للصائم شرب السجائر وأحل للشباب والفتيات التقبيل ...متجاهلا ومتناسيا قول الله تعالى (تلك حدود الله فلا تقربوها كذلك يبين الله آياته للناس لعلهم يتقون) راجع الآيات بعاليه وسورة البقرة،لكننا لا نملك كمؤمنين إلا أن نقول سمعنا وأطعنا وصدق الله العظيم وبلّغ رسوله الكريم ونحن على ذلك من المؤمنين الشاهدين ..!!!

وإن أى باغ للكسب فى تجارته يحسب حسبته ويقلل هامش الخسارة ويزيد هامش ربحه..فما بالنا وإن كان هامش الخسارة فى هذا المشروع الرمضانى معدوم وهامش الربح مفتوح ومضمون بضمان إلاهى ونبوى..فالله يقول (الصوم لى وأنا أجزى به) والرسول صلى الله عليه وسلم يقول"الصوم جنّة" ويقول "من صام رمضان إيمانا واحتسابا غفر له ماتقدم من ذنبه " ويقول "رمضان إلى رمضان مكفران لما بينهما إذا اجتنبت الكبائر"..ووضع له طابعى بريد يضمنا الوصول وحصول الأجر طوال العام " من صام رمضان ثم أتبعه بست من شوال فقد صام الدهر كله"وكذلك صدقة الفطر!!!وجعل الله الحسنة بعشر أمثالها إلى سبعمائة ضعف والله يزيد لمن يشاء...!!

فكيف تكون الخسارة؟؟؟!!

تكون الخسارة بمبطلات الصيام فرب صائم ليس له من صومه إلا الجوع والعطش...كما يقول سيد الخلق صلى الله عليه وسلم..فما هى مبطلات الصوم؟؟اتفق العلماء على مبطلات حسية"مادية"..ومبطلات معنوية..

*-فأما المبطلات المادية والحسية هى عدم الإمتناع عن شهوتى البطن(الأكل والشرب) والفرج(ملامسة النساء "الجماع") يوما كا ملا من طلوع الشمس إلى مغربها ويدخل في شهوة البطن الدخان "السجائر" وما يؤخذ لسد الرمق ويفعل للتقوى على الصيام لأن الله جعل رخصة لمن لايقدر(وعلى الذين يطيقونه فدية طعام مسكين أو عدل ذلك صياما ) أى الذين يطيقونه بصعوبة لهم الفدو أو الإعادة ومن أفطر متعمدا فعليه الكفارة والإعادة وناسيا ليس عليه إلا الإعادة.

*- أما المبطلات المعنوية فهى عدم وجود النية و الكذب والنظر بشهوة للنساء وشهادة الزور والغيبة والنميمة وأكل أموال الناس بالباطل والتعامل بالربا وكل فعل وذنب حرّمه وأثّمه الإسلام ..وذلك لأن الغاية من الصوم هى حصول التقوى واتباع الأمر كما جاء به الشرع!!وختاما أذكر نفسى وإياكم بقول الرسول صلى الله عليه وسلم عندما أجاب الصحابة إذ سألوه عندما كان يصعد المنبر وقال آمين ثلاثا واحدة عند كل درجة من السلم فقال" أتانى جبريل عند الدرجة الأولى وقال رغم أنف من أدرك أبويه على قيد الحياة أو أحدهما ولم يدخلاه الجنة قل آمين قلت آمين..ثم أتانى عند الدرجة الثانية وقال رغم أنف من أدرك رمضان وصامه ولم يغفر الله له قل آمين فقلت آمين..ثم أتانى عند الدرجة الثالثة وقال رغم أنف من ذكرت أمامه ولم يصلى ويسلم عليك قل آمين فقلت آمين"..فصلوات ربى وتسليماته عليك يا سيدى يارسول الله وعلى جميع الرسل الأطهار وعلى آلك وصحبك أجمعين.

وختاما ندعوا بدعاء سيد الخلق صلى الله عليه وسلم ..

اللهم بلغنا رمضان ..

يارب العالمين وقوّنا فيه على الصيام والقيام وقراءة القرآن وفعل الخيرات.!

اللهم آمين
******

شوية نكت كده على كيفكم بس اللى يقرا يحصلنى على البورش

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟


موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى


واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض


بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا



سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت


في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى


كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح



مره توني بلير و بوش و وصاحبنا عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام صاحبنا امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم


بيقولك بوش حس إن موقفه وحش فى الإنتخابات فقال يستعين برجال مصر عشان خبرة فى التزوير ومكدبش خبر وجاب القضاء المصرى يشرف على إنتخابات الرئاسة الأمريكية والنتيجة طلعت ( مبارك رئيس أمريكا للفترة القادمة ) 2
- مبارك ونظيف وسرور طلعوا يصيدوا ومعاهم شيخ الأزهر نظيف ضرب وقع حمامة راح طنطاوى قال ما شاء الله على النشان ، سرور ضرب وقع حمامة طنطاوى قال ماشاء الله على النشان ، مبارك ضرب موقعش حاجة طنطاوى قال سبحان الله الحمامة ماتت ولسه طايره

مبارك بيخطب فى عيد العمال 2050 بيقول ( وعاصرنا كلنا كلام كتيير وإشاعات كتيير كان من أهمها إنى من أنصار توريث الحكم طب أدى جمال مات وعلاء مات ومفيش حاجة من الكلام الفارغ ده كله


منقولة طبعا .... يارب بولاق الدكرور لأ أبوزعبل ماشى الحال

كان حلما

وتبكين حبا .. مضى عنك يوما

وسافر عنك لدنيا المحال

.. لقد كان حلما .. وهل في الحياة

سوى الوهم - يا طفلتي - والخيال ؟

وما العمر بأطهر الناس إلا

سحابة صيف كثيف الظلال وتبكين حبا .. طواه الخريف

وكل الذي بيننا .. للزوال ..

فمن قال في العمر شيء يدوم

تذوب الأماني ويبقى السؤال ..

لماذا أتيت إذا كان حلمي

غداً سوف يصبح .. بعض الرمال ..؟!

روائع فاروق جويده

شر البلية ما يضحك!!!!!!!!!!

أحبائى ..

لأن شر البليّة ما يضحك وليس هناك بليّة أكبر من حوارات الطرشان التى تعج بها ساحاتنا الحوارية على مختلف المستويات وجميع الأصعدة فقد أجريت لكم هذا الحوار بين مسئول صغير وآخر كبير فى مصرنا المحروسة بعد الحوار الذى دار بين العروسين فى ليلة الزفاف...
( نموزج(2)).

........................
الصغير*- أيوه يافندم كله تمام !!
الكبير*- حمام إيه يابنى ده نعام..
الصغير*- أيوه يافندم فيه كلام عن إضراب..
الكبير*- إعجاب أخيرا كله بقى تمام..
الصغير*- حمام إيه!! بقول لسعادتك إضراب..
الكبير*- الناس عاوزة جزمة وشراب..طيب لما نكفيهم الأول عيش..
الصغير*- ألمّهم كلك وأوديهم معتقل العريش...
الكبير*- آه بتقول عايزين جبنة قريش....
الصغير*- العريش !!يافندم مافيش معتقل فى العريش....
الكبير*- يعنى إيه الجبنة القريش عليها جمارك وضرايب..
الصغير*- أيوه يافندم بس شلاتين وحلايب برضه ما فيهاش..
الكبير*- ببلاش ..لأ لازم شوية رسوم لخلى وقعتكم طين..
الصغير*- خلاص فهمت عاوزنى أوديهم فلسطين..والله دى أحسن فكرة..
الكبير*- ياسلام وأنا لسه حستنى لبكرة لازم دلوقتى بسرعة..
الصغير*- وكمان أخليهم يفحتوا ..فى سينا يافندم ترعة!!!
الكبير*- بتقول إيه عاوزين ناس تخدّم...!!دول شويه رعاع..
الصغير*- وأخليهم يزرعوا زعتر ونعناع !! طبعا فى غزة..
الكبير*- سلام على الشعب كل واحد عاوز موزة!!!دى خلاص بقة أيام طين..
الصغير*- أيوه يا فندم حدخلهم من بوابة صلاح الدين..وعلى طول حنفذ..
الكبير*- إيه عاوز حراسة على كل منفذ للبيع ..مش مشكلة عندك الأمن المركزى...
الصغير*- ماشى يافندم خلاص كل المتظاهرين والمضربين..يروحوا فلسطين ويفحتوا ترعة فى سينا الأول..
وبعدين يزرعوا فى غزة زعتر ونعناع......
الكبير*- يا سلام كمان كل واحد من الشعب عاوز مذياع...دى خلاص بقة ظيطة..
الصغير*- مفهوم يا فندم لازم كل واحد يعلّق لسيا دتك.صورة على الحيطة دا شىء لازم..
الكبير*- وكمان الطلبة عاوزة كتب وملازم.. دا كل شىء بقى تمام..
الصغير*- عندك حق يا فندم النعام أحسن من الحمام....
الكبير*- وساكت ليه يابنى روح الحمّام وبعدين ..إبقى إعمل اللى قلتلك عليه...
الصغير*- وكمان رز بالخلطة ومايونيز عليه يافندم...أنا خلاص جعت....
الكبير*- طيب يابنى روح ما أنا قلت خلاص..
الصغير*- أوامر سعادتك أكيد ححشرهم فى ميكرباص..
مع السلامة ....وكله تمام!!!!!!!!!!!!!!
......................................

بمناسبة النيولوك الجديد!!!

أحبائى...
تحية وهدية من مدونتى (من أجل بناتى )أقدم لكم اليوم هذا الحوار....

بين عريس وعروسة فى ليلة الزفاف...!!

وذلك بمناسبة النيولوك الجديد للقهوة!!!
.............
هو *- أخيرا ياحبيبتى إتقفل علينا باب..

هى *- من أولها حتخلى عيشتى هباب
هو إحنا لسه إبتدينا...

هو *- أيوه والله غدينا الناس...

هى *- خلاص..ياراجل دا إحنا
لسه فى أول ليلة......

هو *- بليلة..لأ دا الحلو كان
كاستر وجلاش.....

هى *- ببلاش..عندك حق ماهو
أبويا مادققش معاك.......

هو *- سواك..والله فكرة أحسن
من المعجون والفرشة...

هى *- وكمان غديتوا الناس كرشة
يعنى مكنش فيه لحمة..

هو *- معاكى حق والله أنا ضارب
لخمة ومش عارف....

هى *- بتعايرنى بكام ألف صارف
من أولها.......

هو *- أفوّلها هو إنتى فاكرانى تاكس
وكمان البزين بقى غالى....

هى *- وكمان حتسود عيشة عيالى
متقطعش إحنا لسه فى أولها..

هو *- طبعا أقولها إنتى حبيبتى
ونور عينى.......

هى *- وكمان لسه حتورينى أكتر
من كده إيه...

هو *- إخيييييه...على مين ياولية؟؟؟

هى *- جلابية..دا أنا جايبالك
أغلى بيجامة......

هو *- حماتى بعتالى بطة وحمامة
كتّر خيرها...

هى *- كنت عاوزنى أبدلها..طيب
أحسن روح طفى النور..

هو*- يا نهارك أسود ..بتقولى
ياعم غور..!!! طيب..

إنتى طالق بالتلاته !!!!
...................