زوجتى الغالية

زوجتي الغاليه اختاري لي زوجه ثانيه
قال الفليسوف حيله امه واللي عليه العين بتدور حضرتك عارفه في كام
مليون فتاه علي وش الزواج طيب حضرتك عارفه في كام مليون عانس ينتظرن من يشير بيده وحضرتك عارفه في كام مليون مطلقه وكام مليون ارمله عندهن الرغبه والاستعداد للزواج طيب حضرتك عارفه ان جواز المتعه اعلن عن مشروعيته ويمكن للزوج ان يفعله خاصه اذا كان مسافر وبعيد عن زوجته وبيته حضرتك تعرفي اني خايف ان تفوتني رخصه في ديني احلها الله ولا افعلها وانا قادر عليها وخاصه ان فيها ستر وغطا لامراءه ضعيفه وفيها حفظ وتعفف لنفسي من الوقوع في الخطا او خيانتك حضرتك عارفه اني بطبيعتي وتكويني اميل الي المزيد وحضرتك تعرفي اني في هذا السن اريد الشعور باني مازلت مرغوب ومطلوب وبعيدا عن زوغان عيني حضرتك عارفه اني في هذا السن بدات امل واضيق احيانا من الثبات وتكرار الصوره وابحث عن جديد حضرتك عارفه ان في هذا السن ارحب دائما باي علاقه ولو عابره تكسر رتابه حياتي وتنعش مخزون احاسيس اهملتيه واسترجاع مغامرات مراهقه لا تعترفين بها حضرتك عارفه ان هناك الكثير يعيشون مع اثنتين بسعاده وحيويه ورضا تعرفين حضرتك ان هناك كثيرات يفضلن زوجه ثانيه علي مطلقه او عانس وان ظل الراجل اليوم افضل من ظل الحيطه لارتفاع اسعار الحديد والاسمنت ولوجود الرجاله بكثره تعرفي حضرتك ان وجودها معكي في البيت سيخلق نوع من المنافسه الجميله وتشعل البيت حبا واشواقا تعرفي حضرتك انها ستكون سندا وعونا لكي اثناء غيابي عن البيت فاتفاقكما سيقويني واشعر بالامان عليكما تعرفين حضرتك اني متدين لحد ما ولا احب الحرام ولا الخيانه ولا اتخاذ عشيقه ولكني رجل صريح معكي تعرفي حضرتك اني احبك واحترمك واقدر ماتقومين به حضرتك فاكره من شهرين لما شفنا صديقي العزيز وهو يتأبط ومتأنجش بيديه عن اليمين وعن اليسار زوجتيه الاثنين والسعاده والابتسامه العريضه مرسومه علي وجهه الزوجتين في ميدان عام وخلفهما يافطه عريضه العدل اساس الملك علي مبني عتيق ردت وقالت الفليسوفه كيداهم آخر العنقود وحبه عين امها تعرف حضرتك ليه ربنا خلق حواء واحده لآدم ماخلقلوش اتنين ولا اربعه تعرف حضرتك ان الست بطبيعتها زي الفريك ما بتحبش شريك وتفضل العمي علي الضره تعرف حضرتك اني حبيتك ورضيت الزواج بك لوحدي ولو اعرف انك ستتزوج عليا ما كنت بدأت اقصد تزوجتك تعرف حضرتك اني تقابلني علاقات كالتي تتحدث عليها واصدها فورا وارفضها حفاظا عليك في غيابك تعرف حضرتك اني ارعي الله في بيتي واولادي افعل المستحيل للحفاظ علي عش الزوجيه تعرف حضرتك ان لي مشاعر واحاسيس ورغبات لاني بشر مثلك ولكني راضيه بما قسم الله لي تعرف حضرتك لو كنت مقصره او لااستطيع القيام بواجباتي الزوجيه كنت عذرتك تعرف حضرتك ان ما يشغلني عن ان اكون مثل هيفاء او نانسي او حتي ليلي علوي او ليلي طاهر ليس عمل اللوك وعدم توافر السيلكون او الكريمات انما هو انشغالي بان تظهر انت بصوره جيده واولادك كذلك وايضا انشغالي بوالدتك المريضه ومجهود البيت ولا تنسي الحمل والولاده وما ترتب عليهم جسمانيا كان برغبتك تعرف حضرتك انني مازلت جميله وان الحياه والزواج والاسره ليست حجره النوم فقط وان لكل سن اوان ياعم عنتر تعرف حضرتك انه لم يكن مكتوبا علي عقد الزواج بيننا انك ستتزوج عليا بدون اسباب وان فعلت ستكون خيانه عهد تعرف حضرتك ان اول ضحايا فعلتك سيكون الاولاد تعرف حضرتك انه لو وافقتك علي حججك واسبابك شرعا وعنوسه وارمله ومطلقه هذا كله كذب لانه لو عرض عليك عانس من الصومال او ارمله من دارفور او مطلقه من جيبوتي لن توافق ولن تطبق الرخصه وانت قادر لانك ستتزوج سوريه او لبنانيه لجمالهم ومقبلات وفواتح الشهيه قبل الاكل او ستتزوج من بوسنيه ارمله برضه لجمالها وعدم درايتها بحقوقها استغلال يعني او هتجري علي مغربيه علشان الموضه كده و علشان الاكل بتاعهم فاكر حضرتك صاحبك من شهرين لقد اتصلت و سالت احدي زوجاته عن سبب سعادتهما منذ شهرين اخبرتني انهما كانوا بالمحكمه وحصلت مع ضرتها علي حكم نفقه والتمكين من الشقه وكانت الزوجتين يسندانه لانه فقد القدره علي المشي وكانتا ذاهبتين به الي اقرب دار للايتام والابتسامه تعلو وجهيهما ارتفع صوتي بالدندنه علي راي اقرب كوكب لسطح الارض الست ام كلثوم وصدحت حيرت قلبي معاك وانا بداري واخبي قل لي اعمل ايه وياك ولا اعمل ايه ويا قلبي دخلت مبتسمه ومعها الشاي ابو نعناع وقالت في اذني ايه الانسجام ده فتنبهت من غفوتي واستعذت بالله من الشيطان قالت شيطان ماشي ورجعت بالشاي وصحت خلفها مكملا بدي اشكيلك من نااااااار حبي
احمد خيري/باشا
a123holland@msn.com